- ANTHERMUS
- ANTHERMUSChius, Micciadis fil. Malae nepos, sculptor insignis, cuius filii Bupalus et Anthermus clarissimi in ea scientia fuêre, Hipponactis Poetae aetate, cuius imaginem, quod illi notabilis foeditas vultûs fuit, lasciviâ iocorum proposuêre ridentium circulis. Quod Hipponax indignatus, amaritudinem carminum distrinxit in tantum, ut credatur aliquibus ad laqueum eos compulisse, quod falsum est. Complura enim in fimitimis insulis simulacra postea fecêre, sicut in Delo, quibus subiecerunt carmen, Non vitibus tantum conseri Chium, sed et operibus Anthermi filiorum. Verba sunt Plinii l. 36. c. 5. Iidem Dianae simulacrum eâ arte concinnârunt, ut templum ingressis subtriste, egredientibus vero laetum appareret. Idem Ibid. Nic. Lloydius.
Hofmann J. Lexicon universale. 1698.